أعگدني يالخلاق
عگد امتين افلخلاق
واحكم عني الازلاق
والحَذرَ والعذرَ
واقسم شي من الارزاق
تخلگ بيه السترَ
بيه الدنيَ تنساق
بالبركَ تدَّهْرَ
ولا نجبر من شي شاق
فاخرتي عين ابرَ
بركت مول البراق
ذاك الي بيه اسرَ
ؤفرحت بيه الطباق
واجبر فم الخَتْرَ
وارجع رافد ميثاق
فيه الُّمَّه ذِكرَ
وعم الخير افلافاق
والدهر الي عَسْر
عَرْبَ دون المشاق
والشرك اخْلَ واذْرَ
َمنصاب الدهر الياقْ
وابذي النوبه نَكْرَ
